4 ka managsunod nga aksyon militar nalunsad sa NPA-NCMR

Sulat Pamahayag | November 15, 2017

Human sa malamposong ambus sa Bumbaran PNP kaniadtong November 9,2017 sa may alas 5:40 sa hapon ubos sa Mt.Kitanglad sub-Regional Command (MK-SRC)diin nasakmit ang tulo ka klasi sa armas sunod-sunod usab nga nagpahigayon sa laing aksyong militar ang ubang yunit sa NPA-NCMR.

Novembre 10, 2017 sa alas 11:00 sa buntag – harassment nga gilunsad sa blocking force sa BHB ngadto sa nagresponde nga PNP gikan sa Talacag,Bukidnon ug wala matino ang kaswalidad. Didto sa km.23, Ticalaan, Talacag, Bukidnon.

Novembre 12, 2017 sa may alas 12:00 pasado sa kadlawon, gipabusikaran sa usa ka team ubos sa South Central Bukidnon sub-Regional Command (SCB-SRC) ang duha sa KM 450 military truck sa DRC/8ib PA didto sa Barangay Salawagan, Quezon, Bukidnon nga gikan nagpahigayon ug operasyon sa bukirang bahin sa Quezon, Bukidnon, nakahiagom ug kaswalidad ang AFP ug luwas nga nakadeploy ang mga operatiba sa NPA.

November 12,2017 sa may alas 11:00 pasado sa buntag,nagpahigayon ug checkpoint ang yunit ubos sa Mt.Kitanglad sub-Regional Command (MK-SRC) didto sa sityo Malagsim, barangay Rogongon,Iligan city,sa dihang miagi ang usa ka motorsingle lulan ang 3 ka sakay niini,gipahunong kini sa BHB apan mibalik kini sa agi ug mibunot sa ilang pistola ug namusil .Sa maong kahimtang mibalos ang BHB ug naigo patay si Tsgt.Edgar Andal membro sa 4th mechanize battalion Phil.Army ug Cpl.Reamart Pamplona nga samaron nga nakadagan niadtong higayona.

November 12,2017 sa may ala una pasado sa hapon nagpahigayon ug patrolya ang usa ka yunit ubos Eastern Misamis Oriental North Eastrn Bukidnon Sub-Regional Command (EMONEB-SRC) sa lagonglong,Misamis Oriental, sa taho nga adunay operasyong militar sa lugar diin nahitabo ang engkwentro tali sa AFP luwas nga naka atras sa BHB.

Kining maong aksyong Militar kabahin sa pag tubag sa panawagan sa tibook rebolusyonaryong kalihukan ug sa katawhang Pilipino pagsugat ug pagsupak sa Rehimeng US-Duterte sa gipahigayong ASEAN summit dinhi sa Pilipinas.Pinangulohan sa Imperyalistang estados Unidos ubos ni Trump gihimo kini nga okasyon aron pagpakita sa iyang politikal,militar ug ekonomikanhong gahom nga magdala sa dugang polisiya nga liberalisasyon,mag resulta sa dili patas nga kasabutan pang ekonomiya,pagkalubong sa dagkong utang ,kaylap nga kapobrehon,pagpanghilabot sa pangsulod nga seguridad sa matag nasud sa ngalan sa “gubat batok terorismo”,gamit ang kabangis aron pagsumpo sa katawhan nga gusto ug kabag-ohan sa mga pobre og atrasadong nasud sa Rehiyong Asya Pasipiko.

Ka.Malem Mabini
Spokeperson NPA-NCMR