Pwersa sa 4th ID UG CAA giambus, tulo ka armas nasakmit

News advisory
Mayo 27, 2017

Sa parsyal nga taho sa NPA-Mt. Kitanglad Sub-Regional Command (SRC), malampusong giambus sa usa ka yunit niini ang pwersa sa 4th Infantry Division ug CAA giambus ganinang buntag, Mayo 27, 2017 sa may alas-7:15 ngadto sa alas 7:25 sa buntag didto sa Sityo Intabas, Brgy. La Fortuna, Impasug-ong, Bukidnon.

Matud sa taho, nasakmit ang tulo ka tag-as og kalibreng mga armas nga gilangkuban sa isa ka M16, ug duha ka Garand ug unom ka military pack. Dunay duha kaswalti sa panig sa kaaway samtang luwas nga nakawidro ang pwersa sa NPA human sa engkwentro. Padayong gipaabot sa NPA-Regional Operations Command, North Central Mindanao Region ang kompletong detalye niini nga hitabo.

KA. MALEM MABINI
Tigpamaba
NPA-NCMR